xoves, 21 de novembro de 2013

Novo parque infantil na Porta da Eira

A primeiros de novembro chamaba a atención, cando paseabas do Eitón á Arrochela, esta grande carpa que cubría todo o parque infantil.

 
Moita xente pensou que había algunha festa.

Realmente a carpa foi utilizada para cubrir os traballos de mellora que se estaban facendo no parque infantil.

Botaron o piso de goma EVA e cambiaron varios dos aparellos que había nel.


Tamén montaron un novo módulo de xogos en forma de illa con palmeiras, e con tres escorregadoiros que seguro farán a ledicia dos nosos pequenos.

A ver se entre todos o coidamos e que lles dure moito tempo.

luns, 11 de novembro de 2013

Chegan os primeiros vendavales

A fináis do mes de outubro e os primeiros días de novembro chegaron os primeiros vendavales deste outono á nosa Ría.

Na ponte de Todos os Santos entrou unha forte borrasca que nos deixou vento e choiva dabondo.


Foto sacada dende o Adro.

O domingo xa calmou e deixóunos tempo para pasear un pouquiño. A praia da Corna estaba chea de "arjaso" e con moitos restos, botellas, boias, cabos, etc...

Tamén había moitos animais mortos, que non resistiron o temporal ou foron arrastrados os seus restos dende as súas moradas. Varios cormoráns, unha garza, varias gaivotas.









Ainda que tamén era fermoso ver a unha garza buscando comida na praia de Cruces, bueno, ou dónde estaba antes do recheo.


Na punta da Corna descubríronse pedras que normalmente están enterradas na aréa, polos menos en gran parte.



mércores, 30 de outubro de 2013

O verán tardou en deixarnos

Este ano, despóis de moitos meses de choiva, por fin poidemos desfrutar dun verán con moi bo tempo.


 Ata mediados de setembro seguimos con días estupendos.


O mar estaba como un prato, xa non había turistas nas praias.


A Corna presentaba imaxes impresionantes como éstas.....


O único que desentoaba eran as feridas deixadas polo lume prantado por catro indesexabres.


¡¡¡Todos contra o lume!!!

mércores, 25 de setembro de 2013

O Rei do Mar en Palmeira

O 31 de agosto visitou o porto de Palmeira, o Rei do Mar, o galeón da Escola de Navegación Tradicional da A.C.D. Dorna da Illa de Arousa.

Este galeón é o único que existe na actualidade aparellado con dúas velas de relinga, como as que levan as dornas, xa que o resto de galeóns restaurados que hai nesta e noutras rías do noso país, aparellan vela cangrexa.

Ahí o vedes nas fotos amarrado na rampa, pasando frente á Tixosa e abandoando Palmeira polo Camallón.






Sempre da gusto presenciar a visita dun barco tan bonito.
 






Incendios en Palmeira

Como por desgracia xa vai sendo costume, outro ano máis, uns cantos fillos de ..... súa nai, volveron a prenderlle lume ós montes próximos a Palmeira.

O día 27 de agosto sobre as 8 da tarde tres focos xurdiron espontáneamente na Carballa ó lado da autovía do Barbanza.

Ó día seguinte, un amplio dispositivo de tres helicópteros e outros tantos hidroavións loitaban contra ese lume que se extendeu ata o Hospital da Barbanza e ó Polígono de Xarás.


Os helicópteros collían a auga na praia da Cambra, en Suatomada e tamén en Coroso.


Rumoreouse unha posible evacuación do Hospital, cousa que afortunádamente non foi necesaria.


O lume chegou incluso a afectar o punto limpo de Xarás, queimando materiais que alí había almacenados. Este punto limpo está a escasos metros (menos de 20) do depósito de Gas que hai no polígono, co conseguinte perigo que podía acarrexar.

Tamén chegou a arder o desguace de coches do polígono, afectando a uns 80 coches almacenados.


Ó rematar as tarefas de extinción, esperábanos unha paisaxe tinguida de negro


Dous días despóis outra gran columna de fume foi avistada. Era o grande incendio que afectou ó municipio de Boiro e que cubreu toda a Ría de fume, como podedes apreciar nas fotos.







Esperemos que non se repitan de novo estas imaxes. Coidemos dos montes, que son de todos.

Ahí vos poño unhas fotos tomadas dende o Adro, a Cambra e outras localizacións.

sábado, 10 de agosto de 2013

Rúas asfaltadas e algunha queixa

Coa chegada do verán, os nosos gobernantes decidíronse a asfaltar a entrada ó Porto dende o Norte, que xa estaba bastante deteriorada.

Todo o paseo marítimo luce agora un bo asfalto novo con pasos de peóns na Porta da Eira e tamén xa chegando ó Eitón.

Así luce agora mesmo o vial.


Tamén, por fin, remataron os traballos na zona da Corna, na Rúa de Esteirón, co asfaltado da estrada. Estas obras xa empezaran a primeiros de marzo e por fin os veciños poden agora desfrutar da nova rúa e deixar de sufrir as molestias das obras.



Pero ainda que se fan obras, tamén hai algúns veciños molestos co Concello, que demandan máis atención para o seu barrio.

E isto é o que pasa nas Subidas ó Adro, donde se reflexa esta queixa nas propias escaleiras.


A protesta, feita coa hidrolimpadora dí o seguinte "AQUÍ SE PAGA CONTRIBUCIÓN, PUERCOS LAVARME ALGUNA VEZ"

Así que vaian tomando nota os responsables no Concello e intenten contentar ós veciños.


mércores, 31 de xullo de 2013

As festas de San Xoan

Outro ano máis, as mellores fogueiras da Ría de Arousa volveron a alumear a noite de San Xoan en Palmeira.


Este ano no Castelo queimaron un barco, rememorando aquela tradición de queimar a dorna cando o mariñeiro se xubilaba ou mercaba unha nova.



Era un barco que levaba xa moitos anos nunha leira de Mondelo.

E tamén, como dende fai un par de anos, aprovéitase o San Xoan para facer as festas do verán. Foron tres días de festa rachada, con bo tempo, pero un par de días con moito nordés polas noites, o que mermou un pouquiño a asistencia de xente, e ainda así houbo moita.

A noite das fogueiras lucía unha lúa chea espectacular que as fixo máis vistosas.

As festas de San Xoan en Palmeira son das máis bonitas da ría, houbo uns anos que correron perigo e case estiveron a punto de perderse, pero afortunadamente recuperáronse.



O que é unha pena é que agora non se fagan as Festas do verán, que antíguamente celebrábanse en setembro, eran coñecidas como "As festas de setiembre", e xa nas últimas décadas pasaron a celebrarse en agosto, para que os palmeiráns que están repartidos polo mundo adiante tamén poideran disfrutar das festas do seu pobo.



Esperemos que cando mellore a situación económica a Comisión de Festas se plantexe de novo volver a facelas.



De momento, desfrutade coas de San Xoan.



E agora que as cinzas xa deixaron de formegar digamos ven alto. ¡Que viva o San Xoán 2014!


domingo, 26 de maio de 2013

Xa queda pouco para o San Xoán

Si, menos de un mes xa nos queda para ver na Tixosa, no Castelo e na Corna as fogueiras de San Xoán.

Os rapaces da Arrochela xa empezaron a xuntar palets e madeiras varias para a base da fogueira.


Xa están esperando na Porta da Eira o momento para ir levándoas para a Tixosa.


 Tamén os do Porto están xa acarrexando material para a parte baixa do Castelo.  E a falta de un mes para a máxica noite do lume xa teñen moita madeira.

Esperemos sexan tan bonitas como sempre.






domingo, 14 de abril de 2013

Maréas vivas

Ó longo da Semán Santa coincidiron uns temporais con moito mar de fondo, con maréas vivas e o mar azoutaba ben forte as construccións que hai á veira do mar.

Aquí unhas imaxes quitadas dende O Rueiro, ó lado do Garsan.




Tamén na Corna ó lado do Ché Vení se notaba a forza do mar.





Na Cambra, batendo contra o muro do Agro da Cambra.
 O Casqueiriño, no Baluarte,  casi cuberto

E na entrada do muelle había unhas correntes tan fortes que algúns mariñeiros decían que en todos os anos que levaban indo ó mar non viran nunca remuiños como aqueles.



As dornas, por pouco suben ata o muelle.



E é que o tempo está tolo, tolo, tolo.

Como dí o amigo Davila.